17/sept./22
Etiquetas
Centos de persoas participaron este sábado no primeiro día de degustacións da Festa da Ameixa de Campelo, en Poio. Ameixas á mariñeira a 9,50 euros, ou ben con fideos a 8 euros e con arroz a 8 euros eran o menú principal desta cita, que mantivo os prezos dos anos anteriores á pandemia e contou con grande aceptación.
Trátase da XXXIV edición do evento e este ano estivo marcada pola incertidume, posto que ata o xoves non se puido saír a mariscar para conseguir os 500 quilos de ameixa babosa que se reparten nesta fin de semana.