jueves. 22.04.2021 |
El tiempo
jueves. 22.04.2021
El tiempo

Caldas planta 60 cerdeiras no lugar de Igrexa para sustituir eucaliptos por outras especies

Participantes na plantación de especies autóctonas en Caldas de Reis. DP
Participantes na plantación de especies autóctonas en Caldas de Reis. DP
Fíxoo a razón da celebración do Día Forestal Mundial o 21 de marzo ► Ata agora sembráronse 5.000 árbores

O Concello de Caldas de Reis plantou, con motivo do Día Forestal Mundial que se celebrará o 21 do presente mes de marzo, 60 cerdeiras nuns terreos da Comunidade de Montes de Saiar, no lugar de Igrexa, que tiñan anteriormente eucaliptos que foron eliminados para esta ocasión. O alcalde e outros membros do equipo de goberno participaron na actividade.

Trátase da 17ª edición desta conmemoración do Día Forestal Mundial en Caldas, que organiza o Departamento de Medio Ambiente e que permitiu ata agora plantar máis de 5.000 árbores de especies autóctonas como carballos, castiñeiros, bidueiros, nogueiras e cerdeiras, entre outras.

Nesta ocasión non foi posible a participación dos centros escolares de Caldas, como era a tradición todos estes anos, por mor da crise sanitaria da covid-19. No seu lugar participou persoal da Consellería de Medio Rural da Xunta de Galicia e voluntarios da Asociación Asoprovida que xa viña colaborando nas anteriores edicións.

As datas tamén tiveron que anticiparse polo cambio climático e a necesidade de plantar as cerdeiras nesta época e non demorar máis tempo á súa plantación.

O alcalde, Juan Manuel Rey, destacou o seu compromiso como alcalde con esta conmemoración e valorou moi positivamente a colaboración dos centros escolares nos anos anteriores, así como do seu profesorado, coa recuperación medioambiental e forestal do municipio. Tamén agradeceu á Consellería de Medio Rural, á Comunidade de Montes e ao voluntariado a súa colaboración.

O concelleiro de Medio Rural e da parroquia de Saiar, Juan Carlos Ortigueira, agradeceu que esta iniciativa tivera lugar nesta parroquia e confiou en seguir coa plantación de moitas máis especies autóctonas en Caldas que sustitúan progresivamente as plantacións de eucaliptos.

Caldas planta 60 cerdeiras no lugar de Igrexa para sustituir...
Comentarios
ç