miércoles. 21.10.2020 |
El tiempo
miércoles. 21.10.2020
El tiempo

O Concello de Caldas de Reis mellora o seu treito do Camiño Portugués

Labores de limpieza na Capela de Santa Lucía.
Labores de limpieza na Capela de Santa Lucía.
Os traballos iniciáronse na Capela de Santa Lucía en Arcos da Condesa e seguirán ata Valga

O Concello de Caldas de Reis a través do Servizo Municipal de Medio Ambiente e Obras, está desenvolvendo un plan de acondicionamento e limpeza do treito do Camiño Portugués que atravesa o termo municipal. A actuación completarase esta semana afectando tanto ás contornas dos principais bens e recursos patrimoniais presentes ao longo do Camiño como ao trazado viario naqueles puntos nos que sexa preciso acometer traballos de acondicionamento.

Como sinalou o concelleiro de Medio Ambiente e Obras, Manuel González, "trátase dunha iniciativa coa que pretendemos poñer en valor o percorrido do Camiño Portugués polo noso concello e ofrecer o seu máximo atractivo aos peregrinos que nesta época transcorren por esta ruta".

Os traballos de limpeza, roce de vexetación e acondicionamento a través de medios manuais e mecánicos deron inicio na Capela de Santa Lucía en Arcos da Condesa e prolongaranse polo trazado xacobeo ata o límite municipal con Valga.

PROXECTO LIBERA. A iniciativa tamén se inclúe dentro do proxecto Libera, creado por SEO/ BirdLife en alianza con Ecoembes, e en colaboración coa Federación Española de Municipios e Provincias, a través da campaña #MiPuebloSinBasuraleza ao que vén de sumarse o Concello de Caldas de Reis. O seu obxectivo é o de poñer en valor Caldas e ás súas contornas naturais e rurais este verán e animar a todos os habitantes e visitantes a que gocen do turismo dunha maneira responsable. Caldas de Reis dispón de paraxes de gran valor ambiental como os cursos fluviais do Umia e o Bermaña, a Carballeira, o Xardín Botánico ou, por suposto, o Camiño Portugués, exemplos de contornas que deben manterse limpas para lograr a súa conservación.

O socialista Manuel González manifestou que "o Camiño Portugués é un sinal de identidade para o Concello de Caldas que se converteu nun dos principais eixos dinamizadores da nosa economía, polo que dende o Goberno temos o compromiso de mantelo nas mellores condicións para que poida ser desfrutado polos peregrinos e visitantes".

O Concello de Caldas de Reis mellora o seu treito do Camiño Portugués
Comentarios