domingo. 05.07.2020 |
El tiempo
domingo. 05.07.2020
El tiempo

Cuntis suspende as festas patronais e organiza un programa lúdico alternativo

Un momento da carreira de rolos celebrada nas festas de Santa María de Cuntis, en 2019. JOSÉ LUIZ OUBIÑA (ARCHIVO)
Un momento da carreira de rolos celebrada nas festas de Santa María de Cuntis, en 2019. JOSÉ LUIZ OUBIÑA (ARCHIVO)

O Concello de Cuntis, ante a situación provocada polo coronavirus e, atendendo a cuestións de índole sanitaria, comunica a suspensión das festas patronais na honra a Santa María que se ían celebrar do 15 ao 18 de agosto.

A decisión foi acordada polo equipo de Goberno e comunicada aos grupos da oposición e, tal e como indicou o Concello, será trasladada aos sectores afectados tras analizar detalladamente as circunstancias actuais e considerar que non se poden garantir as condicións mínimas de seguridade para levar adiante un evento destas características.

«De común acordo, concluíuse que a máxima prioridade nestes momentos é a saúde da cidadanía e que, polo tanto, se debe optar por extremar todas as medidas de seguridade e protección da poboación que estean ao alcance do Concello», indica o Goberno local.

No seu lugar, o Concello xa está traballando na organización dunha programación alternativa de actividades culturais, lúdicas e de ocio que se estenderán durante todo o verán e que terán lugar non só no casco urbano, senón que chegarán ás oito parroquias do municipio. Estas actividades serán de pequeno formato e adaptadas ás novas normativas de seguridade e protección derivadas da crise sanitaria da covid-19.

«O Concello busca deste xeito ofrecer unha alternativa viable ao tempo que atractiva e de calidade para todos os públicos que permita dinamizar e achegar os contidos culturais tamén ao rural mentres se cumpren os consellos de seguridade, como aforo limitado ou distancia interpersoal», engade.

Cuntis suspende as festas patronais e organiza un programa lúdico...
Comentarios