jueves. 23.09.2021 |
El tiempo
jueves. 23.09.2021
El tiempo

A danza de Yara Juncal amosa á mocidade o maltrato a través das relacións tóxicas

Un momento do espectáculo de Yara Juncal na praza de Galicia de Lalín. CEDIDA
Un momento do espectáculo de Yara Juncal na praza de Galicia de Lalín. CEDIDA
A coreógrafa interpretou xunto a Kevin Juncal e Verónica Aboy a peza 'Iceberg' ante alumnado do IES Laxeiro e o IES Ramón Aller, no marco do programa de visibilización das violencias machistas que desenvolve a Deputación

Un momento do espectáculo de Yara Juncal na praza de Galicia de Lalín. CEDIDAA bailarina e coreógrafa Yara Juncal protagonizou na praza de Galicia de Lalín a nova proposta do programa da Deputación Mulleres en Acción. Violencia Zero. coa obra Iceberg, que a artista representou acompañada do seu irmán Kevin Juncal e de Verónica Aboy. O evento foi seguida en vivo por máis de medio cento de alumnas e alumnos dos IES Laxeixo e Ramón Aller da localidade dezana, así como pola deputada de Igualdade, Victoria Alonso, a tenente de alcalde lalinense Paz Pérez, e representantes de diversos colectivos e asociacións do municipio. Así mesmo, retransmitiuse tamén en streaming polas canles da institución provincial e o Concello.

Amosar de xeito claro á mocidade a identificar unha relación tóxica e visibilizar as terribles consecuencias para as vítimas que exerce este tipo de violencia por parte dos maltratadores foi o eixo da peza da danza urbana. A canguesa Yara Juncal dividiu a súa acción, creada ex profeso para Violencia Zero, en oito capítulos ao modo dunha serie, nos que foi abordando as distintas etapas dunha relación tóxica, desde o feliz inicio da parella tras coñecerse nunha festa ata o poder final que consigue recuperar a vítima, tralos procesos de rifas, reconciliacións e, sobre todo do illamento e control e a anulación que lle chega a exercer o maltratador tras afastala do mundo e, en especial, da súa mellor amiga.

Un momento do espectáculo de Yara Juncal na praza de Galicia de Lalín. CEDIDA

A voz de V, a vítima desta historia, escoitouse na peza a través da narración en off ao inicio de cada capítulo, amosando ao público a evolución dos seus sentimentos ata que, na parte final, consigue saír desa espiral de sombra e liberarse das cordas que a oprimen, non sen deixar patente o trauma sufrido e o feito de que "a vida non será como antes; hai moito por asimilar e hai que perdoarse para que este dolor se transforme en cicatriz". A artista subliñou que a peza nace do seu traballo como docente, ao igual de Kevin e Verónica, en clases de baile con adolescentes "e queriamos representar as bandeiras vermellas que pode haber para identificar unha relación tóxica".

A deputada provincial, Victoria Alonso, animou ao alumnado a "facer unha reflexión conxunta e a sacar conclusións para entre todos aportar o grao de area para frear os asasinatos e as violencias machistas; é unha lacra que hai que erradicar".

Un momento do espectáculo de Yara Juncal na praza de Galicia de Lalín. CEDIDA

A danza de Yara Juncal amosa á mocidade o maltrato a través das...
Comentarios
ç