jueves. 24.06.2021 |
El tiempo
jueves. 24.06.2021
El tiempo

Dozón cede dúas naves no polígono industrial por un período de 12 meses

Polígono industrial de Dozón. IDEALISTA
Polígono industrial de Dozón. IDEALISTA
As empresas que logren a adxudicación poderán prorrogar ese tempo un ano máis

As bases do procedemento de adxudicación e funcionamento do Viveiro de Empresas de Dozón, que foron publicadas no Boletín Oficial de Pontevedra (BOP), establecen que a cesión das dúas naves acondicionadas polo Concello realizarase por un período de 12 meses prorrogables por un segundo ano. As persoas ou empresas interesadas nestes espazos ubicados no Polígono Industrial de Dozón poden ser promotoras dun novo negocio aínda sen constituír ou ben ter iniciado a súa actividade dentro dos seis meses anteriores á presentación da solicitude -que deben formalizar no Rexistro Xeral do Concello dentro do prazo dun mes.

Ademais da documentación administrativa requerida, os solicitantes deben aportar un proxecto empresarial sobre o que se valorarán aspectos como a creación de emprego, o carácter innovador, a situación laboral das persoas promotoras (en situación de desemprego ou non), a súa idade e o seu xénero (priorizando ás persoas menores de 30 anos e ás mulleres), o feito de acreditar algún tipo de minusvalía e a antigüidade da actividade empresarial.

En canto ás dúas naves, dispoñen dunha superficie de 229,03 e 230,01 metros cadrados, respectivamente, repartida entre zona industrial, oficina e aseos. O prezo do aluguer de cada nave será de 0,40 euros/m2 ao mes, o que representa unha cantidade inferior aos 95 euros. O Concello ofrecerá a través do Servizo de Emprego asesoramento aos usuarios do Viveiro de Empresas e tutelará os proxectos acollidos, orientándoos en material fiscal e laboral.

Dozón cede dúas naves no polígono industrial por un período de 12...
Comentarios
ç