O pavillón deportivo estradense Coto Ferreiro acolleu este domingo a XVIII edición do Trofeo Sondo Dance, onde participantes de todas as idades e categorías amosaron as súas habilidades en diferentes números marcados pola destreza e a profesionalidade.
A cita, organizada pola Academia de Baile estradense en colaboración co Concello, alongouse ata ben entrada a noite, nunha xornada na que os asistentes puideron gozar de distintas modalidades de baile deportivo, danza coreográfica e ritmos caribeños.
