Un home resulta ferido en Vila de Cruces mentres cortaba leña

A vítima tivo que ser trasladada en helicóptero ao Hospital Clínico de Santiago

Un home de 68 anos resultou ferido na mañá deste xoves mentras realizaba labores de corta de leña cun fuso enganchado a un tractor.

O accidente aconteceu no número 5 do lugar de Caxide, pertencente á parroquia de Larazo (Vila de Cruces), nunha eira preto do domicilio particular da vítima, que responde ás iniciais de F.C.L. 

Tras o incidente o varón tivo que ser trasladado en helicóptero ao Hospital Clínico de Santiago. O ferido ía consciente, ainda que con feridas na cabeza e nun brazo.

O aviso ao 112 chegou arredor das 10.20 horas deste xoves, e ata o lugar se desprazaron, ademáis do helicóptero, unha ambulancia do 061, persoal médico do centro de saúde de Cruces, Protección Civil de Cruces e Garda Civil.