miércoles. 27.05.2020 |
El tiempo
miércoles. 27.05.2020
El tiempo

Fundación Meniños busca familias adoptivas no concello de Lalín

Un bebé agarra un dedo. DP
Un bebé agarra un dedo. DP

Fundación Meniños busca familias adoptivas para o Programa de Adopcións Especiais no concello de Lalín. A agrupación pretende dar a coñecer a realidade do grupo de nenos, nenas e adolescentes que neste momento se atopan residindo en centros de protección á espera de ser adoptados, e que teñen unha maior dificultade para atopar unha familia por presentar necesidades especiais. Trátase, segundo explica, de maiores de 8 anos, grupos de irmáns e irmás, nenos e nenas con discapacidade ou enfermidade e, en xeral, calquera outra circunstancia que poida dificultar a súa adopción.

Por este motivo, o persoal técnico da fundación dará unha charla nas próximas datas para informar sobre o Programa de Adopcións Especiais, un servizo da Consellería de Política Social da Xunta de Galicia que busca un fogar para que nenos e nenas con necesidades especiais poidan medrar nunha familia.

Fundación Meniños busca familias adoptivas no concello de Lalín
Comentarios