jueves. 22.04.2021 |
El tiempo
jueves. 22.04.2021
El tiempo

A hostalería de Caldas recibirá axudas directas por importe de 100.000 euros

Un negocio de hostelería caldense no pasado Nadal, antes das últimas restriccións das últimas semanas. DP
Un negocio de hostalería caldense nas pasadas Navidades, antes das duras restricións das últimas semanas.
O Concello destina 72.000 euros, máis dun 1% do seu orzamento, aos que se suman 28.000 euros da Deputación

O Concello de Caldas de Reis ten previsto aprobar no orzamento deste ano, que se presentará ao Pleno do mes de marzo, diversas liñas de apoio ao sector da hostalería e outras actividades afectadas pola crise do coronavirus. A principal será unha liña de axudas directas ás empresas hostaleiras e de outro tipo afectadas polos peches das súas actividades con motivo das restricións ordenadas pola Xunta de Galicia para frear a propagación do virus. A esta liña destinarase máis do 1% do orzamento municipal, máis de setenta e dous mil euros, aos que se sumarán os máis de vinte e oito mil que aportará a Deputación de Pontevedra ao Concello de Caldas, correspondente tamén ao 1% do orzamento provincial distribuido entre os municipios. A estas axudas directas, a vila termal destinará, por tanto, cen mil euros, contando co apoio do organismo que preside Carmela Silva.

Por outro lado, o Concello está a estudiar coa Asociación de Hostalería de Caldas a renovación do convenio de colaboración para apoiar as súas actividades, como tamén farase coa Asociación Centro Comercial Aberto. Nas últimas reunións mantidas cos dous colectivos valorouse positivamente a actividade do mes de decembro e as diversas liñas de apoio postas en marcha o pasado ano, como a adquisición de materiais de prevención, as campañas de promoción ou a elaboración do plan de continxencia para ambos sectores que será presentado a próxima semana. No 2021 o Concello reforzará sustancialmente as partidas destinadas á promoción turística e comercial de Caldas nas que ten previsto destinar este ano máis de cen mil euros para reactivar a economía local.

O alcalde, Juan Manuel Rey, e o equipo de goberno amosan o seu apoio á concentración convocada para este mércores ás 11 horas pola Asociación de Hostalería de Caldas e da Plataforma na Defensa de Hostalería Galega en demanda dun plan de rescate real para o sector, ao entender que o actual ofrecido pola Xunta non cumpre coas necesidades do sector.

O rexedor lamenta que "a Xunta non destine máis recursos a este sector, como era a súa obriga tras ordenar os peches de determinadas actividades e negocios e contar para elo, ademásis, coas transferencias do goberno central". Tampouco entende que "impedise posteriormente un plan de acción conxunta coas deputacións e os concellos para destinar o 1% do seu orzamento, como si farán a Deputación de Pontevedra e o Concello de Caldas". Finalmente, sorpréndese "do apoio do PP local a esta concentración cando a competencia e a responsabilidade para axudar aos sectores afectados pola crise é da propia Xunta de Galicia e é evidente que os seus plans son insuficientes económicamente e deixaran fora moitas pequenas empresas afectadas cos requisitos establecidos para acceder a estas axudas".

A hostalería de Caldas recibirá axudas directas por importe de...
Comentarios
ç