Información, análise, asesoramento, capacitación, demostración, acompañamento e titorización son os servizos que prestará o programa SmartPeme a partir do 11 de xullo no Viveiro de Empresas do Polígono Lalín 2000.
Os cinco novos obradoiros están destinados a incrementar os coñecementos sobre as Tecnoloxías da información e a comunicación (TIC) das persoas emprendedoras e autónomas ou pequenas e medianas empresas da provincia galega. Serán impartidos gracias á colaboración das asociacións de empresarias e da mocidade autónoma.
Os talleres realizaránse na parcela E do Viveiro de Empresas situado no Polígono Lalín 2000
A primeira cita do mes está convocada para realizar o curso Mellora a túa páxina web e posiciónaa en buscadores. O encontro producirase na oficina SmartPeme de Lalín o xoves 11 de xullo ás sete da tarde. Cinco días despois levarase a cabo o taller Motores de reservas para empresas turísticas ás cinco da tarde. A seguinte cita será o xoves 18, coa celebración do curso Mide os teus obxectivos en RRSS: Análise de estatísticas, esta vez ás sete da tarde. O martes 23 acollerase á mesma hora a quenda de Google Calendar, moito máis que unha axenda. En último lugar o mércores 31 chegará as sete da tarde o obradoiro O teu contido efémero: Stories en Facebook e Instagram, coa finalidade de ensinar a xestionar a imaxe corporativa en redes sociais.
Os talleres realizaránse na parcela E do Viveiro de Empresas situado no Polígono Lalín 2000, dende onde poderán facerse as inscricións. Os interesados tamén poderán apuntarse chamando ao número de teléfono 886 202 020, enviando un correo a [email protected] ou mesmo na propia páxina web do programa dirixido ás pemes de Pontevedra: www.smartpeme.depo.es.
