Lalín investirá 1,7 millóns nas obras de mellora de 74 viarios e pistas do rural

Farase con cargo a fondos do Plan Concellos da Deputación
El corredor de Lalín, a su paso por el Alto do Faro. GOOGLE MAPS
photo_camera Imaxe de arquivo do corredor de Lalín, ao seu paso polo Alto do Faro. GOOGLE MAPS

O Concello de Lalín investirá nos vindeiros meses máis de 1,7 millóns de euros no reafirmamento de viarios de titularidade municipal que afectarán á case totalidade das parroquias do rural de Lalín e que permitirán facer un inxente esforzo na mellora de un total de 74 viarios ou tramos de viarios da ampla rede municipal. Este investimento acometerase con cargo a fondos propios e aos Plans Concellos 2020 e 2021, segundo apunta o edil de obras, José Cuñarro Torres.

Con fondos propios acometeranse os 32 viais que ascenderán a 815.555 euros e preto dun centenar de kilómetros de reparacións de firmes de reasfaltados que era necesario acometer despois dun lustro sen realizar os pertinentes mantementos. Algunhas das pistas que se arranzaran neste primeiro plan serán a da canteira en Alperiz; o tramo do Cruce de Sixto en Anzo; pista do Couto en Barcia; a de Castro en Bendoiro; Orxás en Bermés; a pista de Souto a Casa do Mineiro en Busto; o aglomerado vial do Centro Social en Camposancos; o camiño de Carroncas en Castro, ou o aglomerado da pista en Celemín en Catasós.

A estas pistas e viaros únenselle a listaxe contemplada no Plan Concellos 2020 que está en proceso de licitación moi avanzada e que afectará a un total de 30 camiños, como o de Somoza, Cercio, A Veiga ou a A Xesteira a Fontecabalos en Sello, que ascenderán a 479.581 euros.

Do Plan Concellos 2021 destinaranse 411.067 euros que permitirán realizar actuacións en once pistas como a mellora da capa de rodaxe de pista en Alperiz, na de Pareizo á pista de Airiños en Madriñán, na pista de cruce da recta de Santiso a Requeixo, Castriñeiro, e o Castro en Méixome; en Ermida en Filgueira ou na pista de Castro en Bendoiro, entre outras.

A estas pistas uniranse, aclara Cuñarro, os traballos de mantemento que se acometerán en camiños cun investimento de máis de 200.000 euros.

Comentarios