jueves. 23.09.2021 |
El tiempo
jueves. 23.09.2021
El tiempo

Lalín rexenera e limpa seis grandes vertedoiros do termo municipal

César Reboredo nun dos puntos onde se recuperou un espazo que albergaba un vertedoiro. CEDIDA
César Reboredo nun dos puntos onde se recuperou un espazo que albergaba un vertedoiro. CEDIDA
En total retiráronse máis de 1.290 metros cúbicos de material de construción e case unha tonelada de pneumáticos

Finalizaron os traballos de rexeneración e retirada de lixo de cinco importantes vertedoiros no termo municipal de Lalín, que supuxo a recollida e posterior procesado de máis de 1.290 metros cúbicos de residuos mesturados procedentes de demolición e construción. En concreto, con este plan financiado pola Xunta de Galicia e solicitado polo Concello de Lalín erradicáronse vertedoiros nos lugares de Cardexía e Outeiro en Filgueira, en Méixome, Carrofeito en Lebozán, en dous puntos na estrada cara á Cruz da Grade, e en Medelo en A Xesta que foron retirados.

O concelleiro de Medio Ambiente, César Reboredo, indica que para a limpeza de seis puntos de vertidos moi importantes foi necesaria a mobilización de maquinaria pesada e camións de carga para retirar o material de lixo acopiado nestes puntos. O equipo encargado da retirada de lixo nestes seis enclaves, procedeu á sacar 1.290 metros cúbicos de material de construción, 6 metros cúbicos de amianto, case unha tonelada de pneumáticos de turismos, furgóns e camións pequenos e ademais procedeuse ao desarbustado e retirada de restos de poda por un peso de máis de 20 toneladas.

Con estes traballos deixáronse as zonas recuperadas, restauradas e con carteis anunciadores alertando da retirada do vertedoiro e da prohibición de utilizar esos espazos para o depósito de calquera tipo de lixo. Reboredo pide aos veciños sensibilidade co entorno natural e que se deixen de utilizar os espazos que se están a rehabilitar e outros para verquer lixo, cando hai procedementos suficientes para desfacerse do mesmo de xeito legal, controlado e que permita o seu adecuado tratamento.

O goberno municipal de lalín asegura que seguirá traballando na retirada de lixo tanto de vertedoiros incontrolados de maior ou menor tamaño como na limpeza dos entornos naturais.

Lalín rexenera e limpa seis grandes vertedoiros do termo municipal
Comentarios
ç