'Murais da nosa lingua' visibiliza e pon en valor o patrimonio literario da Estrada

O proxecto, promovido e desenvolto pola asociación Ocionautas, rende homenaxe mediante grafi tis aos artistas Manuel Varela Buxán, Manuel García Barros e os irmáns Marcial e Avelina Valladares
Juan Constenla, tenente de alcalde da Estrada, Annie Sánchez (Ocionautas), Valentín García, secretario xeral de Política Lingüistica, e Cristina Pichel, directora xeral de Xuventude. PATRI FIGUEIRAS
photo_camera Juan Constenla, tenente de alcalde da Estrada, Annie Sánchez (Ocionautas), Valentín García, secretario xeral de Política Lingüistica, e Cristina Pichel, directora xeral de Xuventude. PATRI FIGUEIRAS

O secretario xeral de Política Lingüística, Valentín García, e a directora xeral de Xuventude, Participación e Voluntariado, Cristina Pichel, visitaron na Estrada os traballos de elaboración do proxecto Murais da nosa lingua, promovido pola asociación Ocionautas para visibilizar e poñer en valor, nomeadamente entre a mocidade, o patrimonio literario desta vila a través de grafitis inspirados nos estradenses que deixaron a súa pegada nas letras galegas.

O primeiro deles está dedicado aos irmáns Marcial e Avelina Valladares e ao dramaturgo Manuel Varela Buxán e loce xa no muro exterior da Casa das Letras. O seguinte terá como anfitrioa a Virxinia Pereira, esposa de Castelao, e o terceiro, en homenaxe a Manuel García Barros, ocupará un dos laterais do Teatro Principal.

"Murais da nosa lingua quere renderlle tributo e concederlle espazos propios de visibilización aos estradenses máis universais da literatura escrita na nosa lingua", destacou o secretario xeral.

Pola súa parte, a directora xeral sinalou "a importancia de adaptar un dos rexistros propios da mocidade, como son os grafitis, para este fin".

Comentarios