viernes. 22.10.2021 |
El tiempo
viernes. 22.10.2021
El tiempo

As obras do CIS de Lalín superan as previsións iniciais de progresión

undefined
Imaxe do progreso dos traballos do novo Centro Integral de Saúde de Lalín. CEDIDA
Comezaron os traballos na estrutura dos espazos da planta 0 na que se situarán as áreas de recollida de mostras e Fisioterapia

As obras de construción do CIS de Lalín que está a executar a empresa Ramírez para o Sergas continúan a moi bo ritmo e mesmo superando as previsión iniciais de progresión dos traballos. Co executado nas últimas semanas, o amplo edificio sanitario xa ten construídos tanto os cimentos como a estrutura da planta soto da totalidade do edificio e ao longo desta semana comezaron a colocarse os forxados das paredes que constituirán a primeira planta da ala norte do edificio que, con forma de E apuntada cara a N-525, conta cunha superficie de 5.700 metros cadrados repartidos en 4 plantas.

Os traballos executados ata o día de hoxe deixan a construción da estrutura baixo a rasante do terreo no que se asenta o centro no Alto de Vales xa rematada. Tamén se iniciaron a construción de paredes e muros que conformarán o edificio por enriba do nivel do solo, que conformarían a planta 0 da ala norte do edificio da que se está a construír a estrutura e xa se colocaron algunhas das columnas de soporte e varias paredes rematadas.

No nivel inferior sitúase o PAC con acceso desde o patio inferior para público e un aparcamento para ambulancias con soportal cuberto pola traseira do edificio. Neste nivel atópanse tamén os despachos da área integral de saúde pública, vestiarios e sala de estar, así como as áreas de hospitalización a domicilio e transporte sanitario con soporte vital básico.

Na planta baixa, en vinculación directa co vestíbulo disponse o programa de toma de mostras. Fisioterapia sitúase próxima á entrada. No brazo central estará o programa de pediatría, cos aseos dispostos de tal maneira que ille esta área do resto do programa. Odontoloxía e a Área de atención á muller sitúanse no corpo de unión aos brazos desta planta cero.

O terceiro brazo estará ocupado por hemodiálise. As plantas superiores albergarán as consultas de medicina e enfermaría así como consultas especiais, aulas, o programa de tele medicina e algunha zona de persoal.

As obras do CIS de Lalín superan as previsións iniciais de progresión
Comentarios
ç