miércoles. 28.07.2021 |
El tiempo
miércoles. 28.07.2021
El tiempo

Pichel denuncia a "desastrosa" conexión de bus en Forcarei

A parada de bus de Soutelo de Montes. DP
A parada de bus de Soutelo de Montes. DP
O Concello recolleu numerosas queixas sobre o incumprimento das mínimas paradas establecidas e os "incomprensibles" horarios
Varios estudantes tiveron que ser trasladados o luns polos seus familiares ata Cerdedo a primeira hora da mañá porque o autobús que tiña parada obrigada en Soutelo de Montes non está a facela e "xa os deixara en terra o venres anterior". Esta é unha das moitas queixas que se están a recibir no Concello de Forcarei sobre a "desastrosa" implantación, a xuízo da alcaldesa, Verónica Pichel, do Plan de Transporte da Xunta de Galicia en canto ao municipio forcaricense se refire.

Según as denuncias, as principais problemas estanse a producir nas liñas Lugo-Vigo por Vilatuxe, que pasa por Soutelo de Montes e Cachafeiro, e Lugo-Vigo ou Lalín-Vigo por Silleda, que se desvía tamén ata Forcarei. As queixas apuntan a que dende hai algunhas semanas os vehículos da compañía Monbus están saltándose paradas reguladas tanto en Soutelo de Montes como en Forcarei, deixando literalmente "tirados" a usuarias e usuarios.

Os incumprimentos chegan a tal punto que nestes días estaría respectándose unicamente unha parada en Forcarei, como moito, ás 7.17 da mañá, para ir cara a Vigo, pero «nin sequera habería servizo de retorno". O caso contrario ocorrería en Soutelo, onde non se está a facer a primeira parada da mañá, pero si hai servizo de volta. Estes incumprimentos únense ao "tradicional descontento" en relación as "escasas" frecuencias de paso ou as «limitacións» para coordinar viaxes de ida e volta.

A alcaldesa remitiu onte unha carta á conselleira responsable do Plan de Transportes, Ethel Vázquez, para esixirlle que se respecten as paradas e horarios de paso tal e como están previstos en todos os lugares do concello, como Forcarei, Soutelo de Montes, Cachafeiro, Dúas Igrexas, Cruce San Bertolomeu, Filloi, Aciveiro, Noveliza, A Fontenla, As Toxeiras (Vilar), Ventoxo e Vilapouca.

Pichel denuncia a "desastrosa" conexión de bus en Forcarei
Comentarios
ç