O Concello de Lalín cursou na mañá deste sábado unha denuncia ante a Garda Civil por un roubo sufrido a pasada noite nas instalacións de Emerxencias, no campo da feira vello.
O ladrón ou ladróns romperon unha fiestra para acceder ao interior. Unha vez revisadas as dependencias notáronse en falta unha gran cantidade de chaves pertencentes a diferentes inmobles municipais.