domingo. 20.09.2020 |
El tiempo
domingo. 20.09.2020
El tiempo

Sabucedo reúne case 200 bestas para aloitar

Distintos momentos da xornada de subida ao monte para buscar as bestas. PATRICIA FIGUEIRAS
Distintos momentos da xornada de subida ao monte para buscar as bestas. PATRICIA FIGUEIRAS

Foi mobilizado un helicóptero por un mozo que caeu dun cabalo 

Aínda non abrira o día, eran as seis da mañá, e a campá da igrexa daba media hora de repenique para espertar ós veciños. Antes, as bombas de palenque anunciaban o comezo da festa. Algo máis de media hora despois, Sabucedo encomendábase a San Lourenzo, patrón da parroquia, nunha misa atípica na que houbo o triple de cámaras, fotógrafos e reporteiros que fregueses e veciños. Moitos dos aloitadores agardaban fóra ata o momento de saír ó monte na busca das bestas. Unhas a pé, outras a cabalo, foron moitas as persoas que enfilaron monte arriba para agrupar as manadas que esta tarde, mañá e o luns serán aloitadas.

Fontes da Asociación Rapa das Bestas de Sabucedo cifraron en case 200 as reses que reuniron ó longo de todo o día. Foron menos que outros anos, pero posiblemente hoxe, a primeira hora, volvan subir ó monte para facer unha batida e, se avistan algunha grea máis, tratarán de levala ó peche do Castelo, onde descansaron esta noite as xa congregadas. A este punto chegaron onte arredor das seis e media da tarde.

Un incidente empañou a xornada. Pasadas as dez da mañá, foi mobilizado un helicóptero para auxiliar a un mozo que caeu dun cabalo en Quireza, cando se dispoñía a subir ó monte. A vítima foi finalmente trasladada en ambulancia ó Hospital de Montecelo, consciente.

A cita más concorrida será este venres ás 19.00 horas, coa celebración da primeira rapa. A previsión é xuntar as bestas no Celeiro arredor das once da mañá para baixalas, e que entren na aldea arredor das dúas da tarde. A programación do Rapasons ofrecerá as actuacións da Banda de Música Cultural da Estrada, de Mekanika Rolling Band, de Tequexetéldere e de Airiños de Caldelas. As orquestras Gran Parada e D"Moda animarán a verbena nocturna. A organización agarda que ata o luns pasen por Sabucedo unhas 30.000 persoas.

Sabucedo reúne case 200 bestas para aloitar
Comentarios