Ás 15:15 horas, un incendio nunha cociña no lugar da Cova, na parroquia estradense de San Miguel de Castro, contou coa colaboración dos Bombeiros do Deza. Aínda que por fortuna ninguén resultou ferido, os moradores foron orientados a pasar a noite noutro domicilio.
A campá extractora e os mobles da estancia foron afectados polas lapas orixinadas nunha tixola. A intensa fumareda producida alcanzou ás demais habitacións do inmoble xa que as portas interiores da vivenda estaban abertas no momento dos feitos.
Compre sinalar que desde o 112 tamén se puxo a situación en coñecemento dos membros do GES da Estrada, dos axentes da Garda Civil, da Policía Local e dos efectivos de Protección Civil estradenses.
