Un veciño da Estrada foi trasladado ao centro de saúde do municipio ao verse afectado polo fume dun incendio que calcinou unha habitación con diverso material procedente dunha mudanza. O suceso produciuse ás 22.30 horas da noite do venres na avenida Benito Vigo, segundo informou o 112 Galicia.
Para sufocar as lapas, o persoal de emerxencia pediu a colaboración dos membros do GES da localidade, así como dos Bombeiros do Deza. Tamén contaron co apoio da Policía Local.
