martes. 27.10.2020 |
El tiempo
martes. 27.10.2020
El tiempo

Aberto o periodo de preinscrición para participar nas Escolas Deportivas poienses

Clausura dunha edición anterior das escolas deportivas de Poio. ARQUIVO
Clausura dunha edición anterior das escolas deportivas de Poio. ARQUIVO
Marga Caldas explicou o protocolo que se adoptará nunha reunión telemática con representantes das entidades implicadas

O Concello de Poio e a súa área de Deportes aposta por recuperar a actividade deportiva de base na maior brevidade posible. Así o comunicou a edil Marga Caldas nun encontro telemático mantido o xoves con responsables das principais entidades de deporte de base do municipio.

Tatarase dunha volta respectando todas as medidas de seguridade necesarias para garantir o benestar dos usuarios e usuarias das diferentes modalidades, aclarou a concelleira.

Un dos acordos desa cita foi o de abrir un período de preinscrición, para poder empezar as actividades nas vindeiras semanas. "Gustaríanos comezar entre mediados de outubro e principios de novembro. Nós traballamos para iso, pero sempre tendo en conta os protocolos que establezan as diferentes federacións e a Xunta", sinalou a edil do BNG, que lembrou que a Administración autonómica vén de determinar que os participantes de modalidades que impliquen contacto físico deberán usar máscara.

INICIO POR FASES. Na reunión determinouse que o inicio da tempada sexa progresivo. "Non comezarán todos os equipos ao mesmo tempo", aclarou, para engadir que unha das ideas que se baralla é que os primeiros en comezar sexan os equipos xuvenís seguidos dos cadetes, infantís, alevíns, benxamíns e categorías de cativos, que se irían sumando paulatinamente, segundo pasen as semanas, e sempre que no empeore a situación sanitaria.

"Estamos pendentes de como se está desenvolvendo o inicio do curso, porque aí os cativos e cativas xa están adquirindo e interiorizando os hábitos de protección", indicou a edil, que tamén explicou os protocolos para a posta en marcha, como a priorización das prazas para os inscritos na temporada pasada, o desconto do 30% aos participantes (que non repercutirá na merma da subvención ás entidades) e outras medidas.

Aberto o periodo de preinscrición para participar nas Escolas...
Comentarios