A área Sanitaria de Pontevedra e O Salnés realizará este mércores tres cribados preventivos no municipio de Cerdedo-Cotobade, a máis de 660 habitantes, e en dous centros educativos.
Segundo informou esta área sanitaria, este mércores levaranse a cabo estes cribados en Cerdedo-Cotobade con PCR co fin de detectar "o maior número posible de portadores asintomáticos" o que, engade, "permitirá reducir a cifra de contaxios de coronavirus".
Deste xeito, en coordinación co Concello de Cerdedo-Cotobade, estes cribado voluntarios terá lugar no pavillón de Tenorio desde as 15,30 horas e terminarán ao longo desa xornada. Están convocados 668 habitantes de entre 20 e 39 anos da localidade.
Para realizar estes cribados haberá tres equipos de enfermaría que efectuarán as tarefas de control e cumprimento das medidas de seguridade, realización de tomas de mostra e información aos
A maiores, esta área sanitaria tamén efectuará durante a mañá deste mércores senllos cribados entre as comunidades educativas do CEIP San Xoan Bautista –60 persoas citadas– e do CEIP Carballedo –con 89 convocados–.
