O centro de saúde de Soutomaior sufre un novo colapso e deixa sen atencion médica a veciñanza durante máis de dúas semanas, según o BNG de Soutomaior. A formación vén de constatar un novo colapso do centro de saúde do Concello, denunciado polos veciños. O centro está "saturado unha vez máis pola alarmante falta de profesionais, que deixa a veciñanza sen unha atención médica digna e de calidade".
O portavoz municipal do BNG, Manu Lourenzo, explicou que a aplicación do Sergas só lles permite pedir cita "para dentro de dúas semanas". Lourenzo criticou que, "cando ocorreu no verán, Agustín Reguera puxo de escusa o período de vacacións, pero isto demostra que falamos dunha precariedade constante, consecuencia das políticas do "tesoirazo" do PP na Xunta e do desleixo e inacción do PP en Soutomaior".
O BNG denuncia que ademais a xente espera horas para que lles collan o teléfono no centro, motivo polo que pon o acento na falla de persoal xeralizada.