O Concello de Campo Lameiro colgou nas súas redes sociais un vídeo para animar aos nenos na desescalada.
Nel, que foi producido por Viravolta con moitos colaboradores veciñais e para o que se empregaron bonecos do espectáculo da Orquesta Panorama, participa o cura Fermín Santiago que vai chamando por Skype a persoeiros como os Reis Magos, Peppa Pig e Dora a Exploradora, Scooby Doo ou minion Kevin para lembrar as precaucións a manter no desconfinamento, como levar máscara, algo que Pepa e Dora cumpren, ou lavar as mans con frecuencia, algo que fai o minion Kevin.
Sobre as distancias de seguridade, Fermín Santiago recomenda sempre máis de metro e medio, "o longo da bufanda do Campo Lameiro".