jueves. 02.07.2020 |
El tiempo
jueves. 02.07.2020
El tiempo

Cerdedo-Cotobade licitou 2,2 millóns de euros en investimentos este ano

Vista de una zona rural en el concello de Cotobade. ADP
Vista de una zona rural en el concello de Cotobade. ADP
Os Baños de San Xusto e o Centro Sociocultural de Tenorio, o gasto máis elevado

O Concello de Cerdedo-Cotobade licitou ao longo do presente exercicio, a través dos correspondentes concursos públicos de procedemento aberto, un total de 30 investimentos e servizos públicos por un importe global de 2.237.064 euros, segundo explicou o alcalde, Jorge Cubela.

As actuacións licitadas polo Concello de Cerdedo-Cotobade ao longo do presente ano 2019 centráronse na mellora da rede viaria municipal, con ata 15 concursos, pero chegaron prácticamente a todas as áreas, xa que tamén se convocaron estes procesos para infraestruturas deportivas e culturais, servizos públicos, programas sociais, atención xuvenil, parques infantís, Casas do Pobo, saneamentos, adquisición de vehículos e materiais, accións de aforro enerxético e dotación de novas tecnoloxías.

Entre todas as obras e servizos inmersos nos concursos públicos do Concello, destacan especialmente pola súa contía, ao rebasar o medio millón de euros, a rehabilitación dos Baños de San Xusto con 566.000 euros, e a construción do novo Centro Sociocultural de Tenorio, con 511.000. Ambas foron licitadas na recta final do ano e xa están adxudicadas, polo que o seu inicio é inminente e agárdase para comezos do novo ano.

PRÓXIMO ANO. As inversións da administración local compleméntanse con outras obras impulsadas pola Xunta que, segundo Cubela, "favorecern o dinamismo, a economía e o emprego, xa que son cartos que repercuten nas empresas e na sociedade". O alcalde indicou que a folla de ruta do goberno local para 2020 vai ir pola mesma liña e agarda mobilizar máis de 5 millóns de euros, entre investimentos propios e os procedentes da Xunta. Cubela asegurou que o Concello aposta "polos concursos públicos e a absoluta transparencia nas contratacións".

Cerdedo-Cotobade licitou 2,2 millóns de euros en investimentos este...
Comentarios