Cortes de luz este venres en Combarro por obras de Naturgy

Operarios da empresa Naturgy procederán este venres 17 de setembro a levar a cabo unha serie de traballos de mantemento na rede de subministro eléctrico na parroquia de Combarro. A alcaldesa en funcións, Chelo Besada, informa de que os labores, encamiñados a mellorar o servizo, poderían provocar posibles interrupcións de subministro entre as 5:30 e as 7:00 horas, durante a realización dos mesmos. Afectará á contorna do Casco Histórico, así como ás proximidades da Praza da Chousa e da Baixada á Chousa.