sábado. 10.04.2021 |
El tiempo
sábado. 10.04.2021
El tiempo

Deep Purple e ensaios desde casa para manter a ilusión pola música en Vilaboa

Unha imaxe de arquivo da Banda de Vilaboa actuando na festa de Figueirido, en 2018. JOSÉ LUIZ OUBIÑA
Unha imaxe de arquivo da Banda de Vilaboa actuando na festa de Figueirido, en 2018. JOSÉ LUIZ OUBIÑA
Os 140 alumnos e alumnas no se reúnen desde, xaneiro pero seguen preparando temas mediante a teledocencia

A Banda de Música de Vilaboa e a súa escola de música viven neste inicio de marzo un aniversario amargo da pandemia. A formación, que ten a máis de 140 alumnos e alumnas e perdeu só un 5% dos e das matriculados co gallo da crise sanitaria, non ensaia xunta desde o 23 de xaneiro. Primeiro, tivo que acollerse ás medidas de confinamento autonómicas e agora ás restricións que quedan para as escolas de música e centros regrados onde as disciplinas de vento seguen con teledocencia. Este parón chega despois dun inicio de ensaios en setembro no que o esforzo por adaptarse ás normas foi moi grande e incluíu a apertura de fiestras, a toma de temperatura dos e das alumnas, desinfeccións de calzado e mans, o uso de pantallas cedidas polo Concello para separar aos mestres dos e as alumnas e protocolos como os de limpar e desinfectar espazos e instrumentos para cada sesión.

Con todo, o nivel de traballo permitiu que a formación puidera dar, en Nadal, o seu concerto máis emotivo, para os maiores da residencia de Bértola, desde o aparcadoiro da mesma e con altofalantes para facer chegar a súa música ao centro. No camiño, explica Danniel Figueira, director da Banda, quedaron proxectos como o festival de Castiñeiras, ou o concerto de temas de Broadway coa soprano Marina Penas que estiveron preparando meses atrás. Agora, para resarcirse de todo iso e manter viva a ilusión ultiman un vídeo baseado nun tema de Deep Purple con axuda do cantante Daniel Bello.

A formación ten 12 mestres e mestras de instrumentos e un amplo catálogo de material de aprendizaxe, o que fai que ademais de apoio do Concello, Deputación e Xunta dependan das cotas que os pais pagan e tamén da axuda de patrocinadores.

Deep Purple e ensaios desde casa para manter a ilusión pola música...
Comentarios
ç