martes. 26.10.2021 |
El tiempo
martes. 26.10.2021
El tiempo

Educación cubrirá a praza de Xeografía do IES de Poio "con carácter inmediato"

IES de Poio. RAFA FARIÑA
IES de Poio. RAFA FARIÑA
A comunidade educativa desconvoca as mobilizacións previstas e pide "reacciones más rápidas" tras este episodio, ao que se lle suma o desaxuste no transporte escolar, xa solucionado

As xornadas de protesta convocadas no IES de Poio para reclamar a cobertura dunha praza de Xeografía e Historia non tiveron que chegar a un terceiro capítulo. Tal e como anunciou o propio instituto durante a mañá de onte, e así o confirmou a Consellería de Educación, a praza cubrirase "con carácter inmediato". Segundo explicaron dende a Consellería a este medio, as necesidades do centro foron analizadas por parte de Inspección Educativa, que finalmente resolveu a cobertura da praza. Dende a Anpa, á súa vez, indicaron que a incorporación da nova mestra substituta ao instituto realizarase hoxe mesmo, tal e como se informou aos pais e nais.

A medida chega in extremis para anular a protesta que estaba convocada para a tarde deste mércores e na que, ademais de participar o claustro do instituto, que nos días anteriores xa se viña manifestando nas horas do recreo, ían estar presentes os pais e nais do alumnado. Do mesmo xeito, dende o centro anunciaran a vontade de intensificar as protestas e mesmo chegar a "parar as clases" de non solucionarse unha situación que mantiña a todo o alumnado de 1º da Eso e ao da asignatura de Xeografía de 2º de Bacharelato sen poder acceder ás clases destas materias dende o comezo deste curso, polo que estas horas lectivas tiñan que ser suplidas polo profesorado de garda.

Dende a comunidade educativa celebraron a atención da petición do centro por parte da Xunta, algo que a Anpa valorou "positivamente", se ben manifestaron que "no tendríamos que haber llegado a esta situación, ya que ha pasado casi un mes desde el inicio de las clases y en todo este tiempo los alumnos correspondientes no puedieron tener clases de esta asignatura". Así o espuxo o presidente da Anpa, Juan Pedro Sanz, quen reclamou en nome da asociación de nais e pais "reacciones más rápidas" por parte da Consellería de Educación. Neste sentido, á situación xerada ante a falta de cobertura da praza de Xeografía e Historia, hai que sumarlle o desaxuste no servizo de transporte escolar dende o inicio de curso que, se ben xa está solucionado dende hai días, mesmo obrigou a intervir á Policía Local para investigar o cumprimento do protocolo covid e as causas polas que, durante varias xornadas, moitos alumnos e alumnas non puideron acceder ao autobús cando se atopaban nas correspondentes paradas.

Tal e como explicaron dende a Anpa dende o propio centro, compensouse a sobrecarga dunha das liñas co reaxuste na distribución das paradas, se ben, segundo valorou Sanz, "estos reajustes se tendrían que haber hecho de forma previa al inicio del curso".

Educación cubrirá a praza de Xeografía do IES de Poio "con carácter...
Comentarios
ç