O Concello de Poio vén de confirmar que se manterán as datas da Festa da Ameixa, que estivo a piques de adiarse polo peche de todos os bancos marisqueiros nos que faenaban os mariscadores das tres confrarías do fondo da ría.
O edil de Festexos, Xosé Luís Martínez Blanco, fixara para este mércores o último prazo antes de decidir se se desenvolvería o evento nas datas previstas: de venres a domingo, dependendo do resultado da última mostraxe tomada nos bancos marisqueiros, realizada o martes. FInalmente, o Intecmar confirmou a remisión do episodio de toxina PSP na Zona II do fondo da Ría de Pontevedra paraos moluscos infaunais, é dicir: ameixa e berberecho.
Aínda que o episodio non remitiu na totalidade da ría, que dispón de cinco zonas de traballo, sí permitirá que o sector de marisqueo de a flote volva ao mar para extraer o molusco necesario. As embaarcacións das tres confrarías dispoñen de dous días: xoves e venres, para realizar a extracción. De aí, o marisco pasará álonxa e á depuradora antes de estar listo para as degustacións do sábado e o domingo.
Cada mariscador extraerá un cupo especial de doce quilos nestas dúas xornadas para así dar resposta á demanda do Concello e aos seus clientes habituais. A ría leva pechada ao marisqueo de a pé e de a flote desde o pasado 27 de xullo, o que supón máis de un mes e medo sen faenar mara unhas 60 desas embarcacións.
A programación festiva dará comezo o venres ás 20.45 horas coa homenaxe ás mariscadoras xubiladas, a entrega de premios do concurso de fotografía e un espectáculo de Nelson Quinteiro.