sábado. 25.09.2021 |
El tiempo
sábado. 25.09.2021
El tiempo

Pepe Vieira aposta por maridar sostenibilidade e gastronomía

undefined
A conselleira de Medio Ambiente, Ángeles Vázquez, na súa visita ao restaurante de Pepe Vieira. GONZALO GARCÍA
O cociñeiro recibiu onte a visita no seu restaurante da conselleira Ángelez Vázquez

A Xunta de Galicia aposta por maridar as prácticas sostibles e o sector gastronómico, para así minguar o desperdicio alimentario e, deste xeito, avanzar na redución da pegada ambiental de Galicia. A conselleira de Medio Ambiente, Territorio e Vivenda, Ángeles Vázquez, puxo como exemplo o día a día e traballo que se fai nas cociñas do restaurante Pepe Vieira, que visitou esta onte, e que está comprometido co medio ambiente tal e como o acredita a Estrela verde Michelin.

Vázquez trasladou que é un exemplo para o sector e para os galegos, por ser un restaurante comprometido coa compostaxe dos residuos orgánicos, que serven de abono para a horta orgánica deste establecemento, e por apostar polo uso de produtos de proximidade.

O cociñeiro Pepe Vieira subliñou que no seu restaurante trabállase no eido da sostibilidade apoiándose nestes dous vectores: "pechando o círculo da materia", aproveitando os residuos orgánicos para facer compost que sirva de materia prima para a horta; e apostando pola relación de proximidade e de convivencia con todos os elementos da contorna do establecemento.

Este tipo de prácticas son de grande importancia para intentar reducir a porcentaxe de desperdicio alimentario (7,7 millóns de toneladas cada ano en España) e saír da lista dos primeiros dez países (España é o sétimo) da Unión Europea que máis desperdicia. Un 18% dos alimentos que se mercan acaban no lixo sen cociñar, son 175 quilos de comida por persoa ao ano que precisan de 130 litros de auga por persoa ao día para producilos.

Un 18% dos alimentos que se mercan acaban no lixo sen cociñar, o que son 175 quilos de comida por persoa ao ano

Durante a visita, Vázquez recordou que o vindeiro 29 de setembro celébrase o Día internacional da concienciación sobre a perda e o desperdicio de alimentos, polo que invitou á sociedade a implicase nos valores que promove esta efeméride e a consultar e poñer en práctica os consellos e recomendacións que se propoñen no decálogo de boas prácticas elaborado por Sogama, dentro dunha campaña informativa contra o desperdicio alimentario.

A rede de composteiros de Sogama está formada por máis de 17.000 composteiros, dos cales 3.000 foron entregados este mesmo ano, e presentes en 220 concellos, 156 centros educativos e 28 colectivos sociais.

Pepe Vieira aposta por maridar sostenibilidade e gastronomía
Comentarios
ç