A Plataforma en Defensa dos río Verdugo-Oitavén Encoro Non levará a cabo este sábado unha acción social de erradicación de especies invasoras nas beiras do río Oitavén, coordinada por A Rente do Chan e os comuneiros de Gaxate.
Esta é unha das primeiras accións aprobadas pola Plataforma creada para plantexar oposición ás medidas para reforzar o abastecemento de Vigo que pasen por crear un novo salto de contención de auga e vai orientada á defensa medioambiental do entorno para demostrar a diversidade do espazo que se pretende anegar por un encoro, sobre o que ten a última decisión a Consellería de Infraestruturas da Xunta, segundo defende o colectivo.
As persoas interesadas en participar nesta actividade deberán presentarse provistas de luvas e ferramentas ás 10.00 horas do sábado no Teleclub de Gaxate.
Por outra banda, a Plataforma mantén un contacto directo con representantes veciñais da Fraga, Laxoso e Portasouto, lugares que resultarían afectados no caso de que se decidira construír un encoro no río Verdugo para incorporar a estes lugares á plataforma e ampliar o movemento social.
"Temos claro que pasaremos da loita social á vía xudicial se é preciso. Porque mentres as tres administracións implicadas botan agora todas balóns fóra, teño moi claro que mentres eu sexa alcalde non vou permitir agresións inxustificadas en Ponte Caldelas", insistiu o rexedor.