A Policía Local de Poio detectou tres taxis que carecen da autorización para realizar transporte público regular de uso escolar polo que os axentes municipais procederon a trasladar os expedientes o Servizo de Mobilidade de Transportes da Xunta, que son os competentes para a sanción.
Algunhas familias de Poio atopan no servizo de taxi unha maneira cómoda de que os seus fillos vaian o colexio ou instituto pero deben asegurarse que os vehículos cumpren cos requisitos necesarios para a prestación de este servizo.
O taxi deberá cumprir tódolos requisitos previstos no RD 443/2001 do 27 de abril sobre condicións de seguridade no transporte escolar e de menores. A Lei de Ordenación de transportes terrestres recolle como infracción moi grave non posuír a autorización especial para transportar escolares. Ademáis deberán dispor no vehículo do libro de ruta dilixenciado polo servizo de mobilidade da Xefatura Territorial de Pontevedra.