Os populares de Poio critican que os tres partidos que forman o equipo de Goberno local, BNG, PSOE e Avante Poio, pretenden aprobar no pleno do vindeiro martes un Plan de Mobilidade para implantar o sentido único en A Barca, que os populares consideran un "grave prexuízo para veciños e comerciantes".
O voceiro do PP de Poio, Ángel Moldes, criticou que o tripartito "cumpre ordes de Lores e Mosquera para implantar o sentido único na ponte, e iso é algo inadmisible para o PP e para os veciños".
