domingo. 25.07.2021 |
El tiempo
domingo. 25.07.2021
El tiempo

Preocupación polos adestramentos ilegais do Rally de Pontevedra en Carballedo

Un vehículo de la Guardia Civil, en el lugar del accidente. GC
Un vehículo de la Guardia Civil, en el lugar del accidente. GC
Dende a organización da competición indicaron a través dun comunicado que xa se informou á Garda Civil desta situación

Varios veciños de Carballedo, no concello de Cerdedo-Cotobade, manifestaron o seu malestar nas últimas horas ante unha situación de perigosidade derivada da realización de adestramentos e recoñecemento de treitos do Rally de Pontevedra que se celebra esta fin de semana en varios puntos da comarca. Os afectados denuncian que nos últimos días varios coches estiveron circulando a unha velocidade inadecuada polas diferentes estradas e pistas.

Unha das zonas pola que pasará a competición e onde se está dando esta situación é precisamente a EP-0401, onde tamén a pasada fin de semana faleceu nun accidente de tráfico o recoñecido piloto pontevedrés Víctor Magariños, cando se atopaba realizando o recoñecemento oficial do tramo do rally.

Os veciños de Carballedo e doutras zonas polas que pasan tramos da competición fixeron chegar a súas queixas á organización do Rally Pontevedra, que quixo aclarar que de momento descoñecen si se trata de pilotos que competirán no evento deportivo esta fin de semana.

De feito, a través dun comunicado que fixeron público nas redes socias explicaron que levan días recibindo chamadas por parte de veciños "queixándose de condutas irresponsables por parte de vehículos que andan a circular polos treitos do rally".

A organización indica que o pasado mércores foron informados de que se estas condutas continúan a producirse, "o Rally de Pontevedra podría ter en perigo a súa celebración".

"Non sabemos se son equipos participantes ou afeccionados, pero pedímosvos por favor, e polo ben de todos, que teñades respecto polos veciños e respetedes as normas de circulación", indican.

Ademais, a organización aclarou que xa informou á Garda Civil de Tráfico, ás respectivas Policías Locais e aos postos de Seguridade Cidadá da Garda Civil. "Este tipo de condutas o único que conleva e que as administracións cada vez poñan máis trabas á celebración deste tipo de probas", sentencian.

Pola súa parte, algúns dos afectados, principalmente veciños de Carballedo, manifestaron tamén a través das redes sociais o seu malestar ante esta situación xa que, según relatan, moitos destes entrenamentos están a realizarse de noite e a "unha velocidade moi alta", molestando ás vivendas cercanas cos ruídos que provoca o vehículo. Algúns dos veciños explican que esta situación xa se leva repetindo dende hai máis dunha semana e piden que a Garda Civil incida na vixilancia destas zonas polas que pasa o rally.

Cabe destacar que este tipo de adestramentos están totalmente prohibidos ao realizarse fóra do programa oficial.

Preocupación polos adestramentos ilegais do Rally de Pontevedra en...
ç