lunes. 30.11.2020 |
El tiempo
lunes. 30.11.2020
El tiempo

Rescatado en Poio un home que se atopaba indisposto no interior da súa casa

Un axente da Policía Local en servizo. JAVIER CERVERA-MERCADILLO
Un axente da Policía Local en servizo. JAVIER CERVERA-MERCADILLO
O home, que vive só, levaba xa varios días sen poder consumir auga ou alimentos ao non poder erguerse

A Policía Local de Poio colaborou esta semana nun operativo de rescate activado para prestar auxilio a unha persoa no seu domicilio, situado en Covelo, na parroquia de Samieira.

Foi o 112 quen deu o aviso ao corpo de seguridade municipal, logo de que o afectado chamase ao departamento de emerxencias alertando dunha indisposición que lle impedía erguerse da cama desde había varios días. Ata o lugar onde se atopa a vivenda desprazouse unha dotación policial, ademais de efectivos do GES de Sanxenxo, que foron os encargados de abrir a porta para poder chegar ata o home, que vive só e levaba varios días sen poder consumir auga ou alimentos. Igualmente, tamén participou Protección Civil de Poio. 

Unha vez auxiliado, este veciño de Samieira foi trasladado en ambulancia a un centro hospitalario de Pontevedra. A Policía Local procedeu a informar do suceso aos familiares do home que conseguiu localizar.

Rescatado en Poio un home que se atopaba indisposto no interior da...
Comentarios