A renovación de preto de 2.500 luminarias en todo o concello de Poio dará inicio en próximas datas. A actuación, impulsada pola Concellería de Promoción Económica e Urbanismo está financiada nun 80% a través de fondos xestionados ante o IDAE, mentres que o 20% será asumido polo propio Concello.
O edil de área, Gregorio Agís, explica que, previo a estes traballos, foi precisa toda unha tramitación previa, que finalizou coa adxudicación do proxecto á empresa Setga, por ser esta a que presentou a mellor oferta no concurso de licitación.
O orzamento total ascende a 918.000 euros, IVE engadido, e o concelleiro destaca que "esta é unha proposta que consolida e reafirma a filosofía que vimos marcando desde hai anos no que ao consumo eficiente e aforro enerxético se refire". Agís incide en que, ademais dunha mellora substancial do servizo, a instalación das novas luminarias led tamén suporá un aforro no consumo eléctrico.
Tal e como figura nos informes elaborados polos técnicos, estímase que o aforro que se acadará unha vez finalizada a instalación total chegará a preto dos 70.000 euros anuais. "Estamos a falar dunha actuación de vital importancia, nun contexto no que o prezo da luz pode chegar a oscilar de xeito notable en prazos moi curtos de tempo", indica.
Estes traballos permitan dar un paso máis de cara ao cumprimento dos obxectivos da Axenda 2030 en eficiencia, sostibilidade e respecto polo medio. Estes traballos deberán estar rematados antes do 30 de setembro. "Este é un paso definitivo para renovar o 100% do alumeado municipal".
O número total de novas luminarias rolda os 6.000 aproximadamente, indica o concelleiro.
Mañá mércores, ás 20.00 horas, terá lugar unha nova xuntanza, no Centro de Formación da Reiboa. Son citas abertas e gratuítas, ás que se pode asistir enviando un correo electrónico a [email protected] ou chamando ao teléfono 625 120 475.