Antes de iniciar os preparativos da despedida de campaña, o PP lanzou en Poio a súa última proposta electoral, neste caso vinculada co deporte.
O equipo de Ángel Moldes propón a creación dun centro para deporte base e alto rendemento no Castrove, un espazo saudable para toda a familia, onde se poidan practicar distintas modalidades deportivas e facelo en contacto coa natureza e nun entorno inmellorable.
A proposta inclúen rutas, sendas, paseos, circuíto BTT e outras zonas para practicar outro tipo de deportes, relacionados coa bicicleta.
A intención do candidato popular é crear contornas saudables,nas que toda a familia poida practicar deporte e xerar hábitos de vida saudables, con diferentes zonas segundo a capacidade de cada deportista.
Ademais, esta instalación "vai permitir unha maior autonomía dos clubes para poder organizar eventos, campionatos, etc., que contribúan a dinamizar o concello e incluso a desestacionalizar a ocupación hoteleira".
Moldes asegura que si o domingo recibe o apoio dos veciños ao seu proxecto, iniciará un proceso de participación con clubes e deportistas para crear un espazo que dea resposta ás súas propias demandas, xa que eles son os que máis saben e son os que máis teñen que achegar.
