domingo. 18.04.2021 |
El tiempo
domingo. 18.04.2021
El tiempo

Viascón e Borela suman o 78% da superficie queimada en Cerdedo-Cotobade a pasada década

Traballos nun dos sete focos do pasado martes en Borela. DAVID FREIRE
Traballos nun dos sete focos do pasado martes en Borela.
San Xurxo rexistra moitos focos pero con escasa incidencia

O Concello de Cerdedo-Cotobade vén de rematar e xa ten completamente operativo o seu Plan Municipal de Prevención e Defensa contra os Incendios Forestais para a protección das súas 17.960 hectáreas de terreos de monte e mato, máis do 80% do seu territorio.

O documento, que foi aprobado inicialmente a finais de xuño e superou a fase de información pública, está orientado especialmente á adopción de medidas de prevención, extinción e vixilancia -tras a identificación de riscos- e complementarase con accións de concienciación da poboación e colaboración veciñal.

O estudo previo afonda nas características dun municipio que ten o 60% do seu espazo catalogado como monte veciñal e cunha orografía especialmente agreste con zonas de moita pendente, que dificulta a adopción de medidas.

As contornas de maior risco son Tenorio, Viascón e Borela, que sufriron o 78% de toda a superficie queimada na última década, e, en menor medida, San Xurxo, que rexistra moitos focos pero con escasa incidencia. Alomenos, o 70% dos lumes son intencionados, segundo este informe. O plan establece diversas medidas, como o establecemento de puntos de vixilancia en Quireza, San Xurxo e Viascón pola súa vulnerabilidade e condicións e a xestión municipal da biomasa, de xeito directo sobre as infraestruturas, equipamentos e liñas eléctricas e de xeito indirecto nas contornas dos núcleos e destes espazos con franxas de protección de 50 metros. Ademais do mantemento dos 600 quilómetros da rede viaria -incluíndo camiños-, as queimas controladas, a limpeza dos 140.000 metros de cortalumes e a reposición dos 45 puntos de auga -seis para helicópteros en Borela, Arén, Vilariño, Corredoira, San Xurxo e Tenorio e 39 terrestres.

"Esta cuestión é unha absoluta prioridade sempre e máis cos sete focos de lumes que tivemos o martes e que desgrazadamente foron provocados. Estamos traballando moito neste tema e creo que este plan vainos axudar aínda máis, xa que implementa medidas e establece accións de mellora que xa están a reducir a afección e incidencia dos lumes", explicou o alcalde, Jorge Cubela.

Viascón e Borela suman o 78% da superficie queimada en...
Comentarios
ç