A Asociación Cultural de Cobres e o Concello de Vilaboa, como entidade colaboradora, anunciaron este venres a suspensión do tradicional Entroido de Cobres por mor da situación provocada pola pandemia.
Esta celebración, que data do século XVIII no municipio, só se detivo durante a Guerra Civil en 1936. Asociación e Concello aseguraron que "gardamos toda a nosa enerxía e forza para traballar en que cando o volvamos celebrar, o fagamos ao grande".