A Deputación convoca a segunda edición do seu concurso Reacción polo clima, encamiñado a dar visibilidade á problemática do cambio climático da man dos máis novos. Así, poderán presentarse mozos de entre 16 e 30 anos, concurrindo con pezas audiovisuais de ata dous minutos e medio. A recepción das propostas está aberta ata o 16 de maio.
Respecto aos galardóns, as bases publicadas polo organismo provincial establecen tres premios, con contías de 2.400 euros, 1.000 euros e 600 euros, respectivamente.
En engadido, a Deputación deu tamén a coñecer a celebración da segunda edición da Escola de Letras, adaptada ao formato online dada a situación epidemiolóxica actual e cuxas prazas xa están cubertas. Deste xeito, serán un total de seis acción formativas adicadas ao eido da escritura.
O pistoletazo de saída correrá a cargo de Inma López Silva con Tod@s temos unha historia que contar. Seguidamente, será a quenda de talleres de poesía con Antonio García Teijeiro e Elvira Ribeiro Robío e outros de adicados á literatura da man de Anna R. Figueiredo e Diego Giráldez.