viernes. 26.02.2021 |
El tiempo
viernes. 26.02.2021
El tiempo

Seis centros educativos de Pontevedra reciben o premio Proxecta por fomentar a innovación

Un adulto e un neno consultan un libro. EP
Un adulto e un neno consultan un libro. EP
Os galardoados son o CEIP Plurilingüe Frián-Teis de Vigo, o CRA de Ribadumia, o IES Carlos Casares de Vigo, o IES Santa Irene da mesma cidade, o IES Primeiro de Marzo de Baiona e o IES de Ponte Caldelas

Un total de dez centros educativos de toda Galicia reciben o premio Proxecta de Innovación 2019, uns galardóns que pon en valor o traballo dos colexios e institutos que fomentaron a innovación e o ensino en valores na comunidade. Así o explicou este sábado a Consellería de Educación, Universidade e Formación Profesional, a encargada de impulsar esta medida que busca "consolidar e visibilizar a metodoloxía de traballo por proxectos que pon en marcha os centros". 

En concreto, resultaron agraciados seis en Pontevedra, tres en Ourense e un na Coruña. O CEIP Plurilingüe Frián-Teis de Vigo, o CRA de Ribadumia, o IES Carlos Casares de Vigo, o IES Santa Irene da mesma cidade, o IES Primeiro de Marzo de Baiona e o IES de Ponte Caldelas no caso da provincia pontevedresa. 

Pola súa banda, en Ourense foron premiados o CPI Plurilingüe Laureano Prieto da Gudiña, CEIP Plurilingüe Virxe do Camiño de Rubiá e o IES Lagoa de Antela de Xinzo de Limia. En A Coruña o premio foi para o CEIP Heroínas de Sálvora. 

Os galardóns outorgados oscilan entre os 1.000 e os 5.000 euros e van dirixidos a fomentar "a innovación educativa nos centros a través de programas que desenvolven as competencias claves como eixo de currículo e os elementos transversais". 

Con este propósito ofertáronse un total de 44 programas relacionados co ámbito da saúde, a alimentación, a actividade física, a ciencia e a tecnoloxía, a lingua, o patrimonio, a solidariedade, o desenvolvemento sostible, a igualdade, o consumo responsable, a convivencia, a educación e outros campos.  En total, a estes programas acolléronse neste curso 579 centros de ensino que congregan preto de 148.000 alumnos e alumnas, un 7,46% máis que no curso anterior, e 8.200 docentes. 

Seis centros educativos de Pontevedra reciben o premio Proxecta por...
Comentarios
ç