Sábado. 25.05.2019 |
El tiempo
Sábado. 25.05.2019
El tiempo

O concurso para elixir o deseño da ponte sobre o Miño xa ten tres gañadores

Os participantes no acto celebrado este xoves no Pazo Provincial amosan os deseños gañadores. DP
Os participantes no acto celebrado este xoves no Pazo Provincial amosan os deseños gañadores. DP

A ponte peonil sobre o Miño pretende ser unha ferramenta para crear o primeiro parque transfronteirizo da península ibérica entre o Espazo Fortaleza de Tomiño e o Parque do Castelinho

Álvaro Siza e Jorge Amorín Nunes, Francisco Javier Zubia e Paula Teles, e Ginés Garrido e Alejandro Bernabeu veñen de copar os tres premios do concurso de ideas celebrado pola Deputación para elixir o deseño da nova ponte peonil sobre o río Miño entre Tomiño e Vila Nova de Cerveira. Segundo explicou o deputado de Cooperación Transfronteiriza, Uxío Benítez, o xurado escolleu as propostas practicamente por unanimidade. Benítez manifestou o seu entusiasmo polo resultado e subliñou que calquera das tres ideas gañadoras, que recibirán un premio de 10.890 euros, servirá para "poñer o río Miño no mapa internacional" polo seu atractivo. O nacionalista explicou que o procedemento para a selección do proxecto final segue agora coa invitación aos autores gañadores para a redacción do anteproxecto da ponte. O contrato para redactar este anteproxecto adxudicarase ao gañador definitivo por un importe de 54.450,00 euros, e agárdase poder telo resolto no que queda de 2018.

"É un fito histórico e inédito que se tivera convocado un concurso de ideas internacional por parte da Deputación de Pontevedra con técnicos galegos e portugueses no xurado", explicou o deputado nacionalista.

A presidenta provincial, Carmela Silva, tamén se mostrou "encantada" co resultado da selección e agradeceu o labor do xurado.

A ponte peonil sobre o Miño pretende ser unha ferramenta para crear o primeiro parque transfronteirizo da península ibérica entre o Espazo Fortaleza de Tomiño e o Parque do Castelinho, en Vila Nova de Cerveira.

O concurso para elixir o deseño da ponte sobre o Miño xa ten tres...
Comentarios