O Goberno da Deputación deu luz verde a unha nova convocatoria de subvencións dirixidas aos concellos de menos de 20.000 habitantes para fomentar a igualdade de oportunidades e a prevención da violencia machista neste 2021. As bases aprobadas pola Xunta de Goberno contan cun orzamento de 230.000 euros, cos que se segue a promover que "os concellos poidan traballar para impulsar actuacións en igualdade e loita contra as violencias machistas que sofren as mulleres", destacou a presidenta, Carmela Silva, "un eixo prioritario do Goberno provincial":
Entre outras iniciaitvas, os concellos poderán desenvolver proxectos e actividades de sensibilización, formación e prevención, así como programas e actuacións destinadas a mulleres en situación de especial vulnerabilidade.
