jueves. 17.06.2021 |
El tiempo
jueves. 17.06.2021
El tiempo

A Deputación invita a un Nadal con xoguetes non sexistas 

Presentacón da campaña 'Xogando aprendemos a vivir'.DEPUTACIÓN
Presentacón da campaña 'Xogando aprendemos a vivir'.DEPUTACIÓN
A campaña Xogando aprendemos a vivir chamará a agasallar xogos que non libres de estereotipos de xénero

A Deputación de Pontevedra puxo en marcha unha campaña para fomentar a igualdade desde a infancia mediante xoguetes e xogos que "non sexan sexistas" e sexan utilizados por nenos e nenas indistintamente.

Nunha rolda de prensa celebrada este martes en Vigo, a presidenta da Deputación de Pontevedra, Carmela Silva, explicou que a iniciativa se denominará Xogando aprendemos a vivir. O xogo é unha ferramenta para cambiar o mundo e recalcou que "o xogo non é só un instrumento de lecer", xa que "crea pensamento". 

Deste xeito, advertiu de que, se os nenos e as nenas utilizan "xogos, xoguetes e cores diferentes", entenderán que "o seu papel na vida é determinado" e non aprenderán que "poden ser o que queiran ser". Por iso, sinalou que se busca todos se entreteñan con distintos tipos de xoguetes. 
Nesta liña, Carmela Silva incidiu en que esta campaña busca "cambiar o modelo no que vivimos" porque "como xoguemos marcará cal vai ser o noso comportamento na vida". Así, afirmou que "non existe ningún home que non se formase desde o neno ou a nena que foi algunha vez", polo que apuntou que as persoas deben aprender a ser igualitarias desde a infancia.

CAMPAÑA 

En concreto, mediante a campaña repartiranse carteis que propoñen que os xogos non impliquen estereotipos de xénero en todos os municipios da provincia co obxectivo de que sexan colocados en comercios locais. Ademais, reproducirase un vídeo creado no marco da iniciativa nos autobuses urbanos de Vigo e dous deles se vinilarán durante un mes. 

Así mesmo, a presidenta da Deputación Provincial indicou que desde este mércores até o Día de Reis, 6 de xaneiro, a campaña trasladarase a través de medios de comunicación para concienciar sobre o feito de que "a responsabilidade social" dos pais coa educación dos seus fillos "comeza con que xoguetes xogan". 

Ademais, puxo en valor que, durante a pandemia, as mulleres continuasen o seu traballo a distancia e asumisen nun 75% os coidados a pesar de que "os homes tamén estaban en casa". Ante esta situación, incidiu na importancia de que os nenos e nenas "xoguen a coidar porque é fundamental" dado que "os coidados son o centro da vida". 

A deseñadora das ideas e eslóganes da campaña, Isabel Blanco, lembrou que este representa o terceiro ano no que participa nesta iniciativa e asegurou que "mirar o mundo desde a perpectiva de xénero" supón facelo "desde a igualdade". Andrea Táboas, que traballou no vídeo creado, resaltou a necesidade de que "os nenos teñan claro que son iguais" e afirmou que entre todos se pode "construír un mundo mellor con campañas coma esta".

A Deputación invita a un Nadal con xoguetes non sexistas 
Comentarios
ç