O cadáver dun home foi localizado na mañá deste mércores flotando no río Louro no Porriño, informaron fontes do 112.
A Garda Civil abriu unha investigación para determinar as causas do falecemento deste home, de idade avanzada, e que non presenta síntomas de violencia.
O corpo foi localizado sobre as 9.15 horas xunto ao paseo do Louro, preto dun albergue de peregrinos que hai na zona, detallaron fontes da Policía Local de Vigo.
Tras recibir o aviso da Policía Local do Porriño, o 112 Galicia informou a Urxencias Médicas, Bombeiros do Baixo Miño, Garda Civil e Protección Civil.
