O Sergas efectuará durante a vindeira semana sendos cribados preventivos de detección da covid 19 nos concellos de Marín e Meaño para continuar incidindo na deteccción do maior número posible de portadores asintomáticos e reducir así a cifra de contaxios.
As probas en Marín efectuaranse entre o martes e o sábado nun punto habilitado no aparcadoiro entre a Escola Naval e o Porto. O total de usuarios con Tarxeta Sanitaria nesta vila acada os 24.242 habitantes, pero o cribado de saliva efectuarase só entre a franxa de 30 a 65 anos, que suma 12.763 persoas.
O criterio para poder someterse ao test, ademais da idade, é que non sexan persoal de residencias, que non teñan un PCR positivo nos últimos tres meses e que dispoñan dun teléfono movil ao que poderlles enviar un SMS de citación e o resultado do seu cribado.
Un cadro de 14 profesionais, coordinados por un médico, será o encargado de levar adiante esta campaña.
No que atinxe ao Concello de Meaño, o cribado desenvolverase no centro de Atención Primaria o luns e o martes a partires das 15.30 horas tomando unha mostra nasofarínxea.
A Administración Sanitaria Pública galega vai convocar, gradualmente e vía SMS telefónico, á poboación de entre 30 a 60 anos de idade con tarxeta sanitaria activa no centro de saúde deste Concello, colectivo que nesta localidade acada as 1.835 persoas.
