Sábado. 18.08.2018 |
El tiempo
Sábado. 18.08.2018
El tiempo

Morre unha muller en Salvaterra ao sair da vía co seu coche

Estado del vehículo tras el accidente. TVG
Estado del vehículo tras el accidente. TVG

O accidente tivo lugar en Batalláns

Unha muller perdeu a vida na madrugada deste venres despois de sufrir un accidente co vehículo que conducía pola A-52, ao paso pola localidade pontevedresa de Salvaterra de Miño.

Segundo a información faciltada ao 112 Galicia, o sinistro tivo lugar á altura da saída da autovía en dirección a Batalláns cando estaban a piques de dar as tres desta madrugada. Nese momento, o turismo que conducía a vítima –un Peugeot 205– saíu da estrada e, pese aos intentos dos profesionais sanitarios, nada puideron facer por salvarlle a vida.

Cómpre sinalar que este operativo activouse tras recibir o CIAE 112 a chamada dun particular, que localizou á muller fóra do vehículo e practicamente sen pulso. Decontado, desde o 112, informouse aos efectivos do 061-Urxencias Sanitarias, aos axentes da Garda Civil de Tráfico e aos bombeiros do Baixo Miño, que, finalmente, descartaron intervir debido a que a vítima estaba liberada e accesible.

Morre unha muller en Salvaterra ao sair da vía co seu coche