A Deputación de Pontevedra aprobou novas medidas de apoio ás persoas emprendedoras que operan nos viveiros empresariais de Barro e Lalín. Trátase de medidas para facilitar o pago dos prezos públicos pola ocupación dos espazos, como o aprazamento voluntario ata o 20 de maio do pago do aluguer do primeiro trimestre do ano, previsto para o 5 de abril e a exoneración do pagamento proporcional ao tempo de inactividade polo Estado de Alarma.
Tras contactar con todas empresas, das 18 que están paradas, 12 optaron polo aprazamento do pago ao día 20 de maio e pedirán a exoneración do pagamento do cese temporal de actividade. As outras seis tamén se acollerán á exoneración pero non ao aprazamento.
Dez empresas manteñen a actividade.
