O vindeiro 7 de maio será o último día para poder presentar traballos á segunda edición dos Premios Provinciais á Xuventude, postos en marcha pola Deputación e destinados a mozos de entre 16 e 35 anos.
Establecéronse sete categorías: iniciativa social, iniciativa empresarial, blogs, educación en valores, traballo musical, traballo literario breve e fotografía orixinal. Cada unha terá 1.500 euros para o primeiro, 1.000 para o segundo e 500 para o terceiro.
