A canción 'Corazón de toxo' resultou vencedora da sexta edición do certame Este verán canta con nós, promovido pola CRTVG.
A peza, composta por Rotce, Adri Coyote e La Quinkillada, é unha electrocumbia con ritmos propios da verbena galega, que convida ao baile e á diversión. É por iso que o xurado, composto por Vanessa Grela, Montse Besada, Tania F. Lombao, Laura Añón e César Romero, a elexiu como vencedora outorgándolle un premio de mil euros.
👁🗨 'Corazón de toxo', de Rotce, Adri Coyote e La Quinkillada, nova canción do verán da CRTVG https://t.co/hAbGRpLNYd
— CRTVG (@crtvg) June 27, 2022
A canción vencedora sucede a 'Vive Galicia', de Noelia Solleiro, que se alzara como gañadora no certame celebrado en 2021.